Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

الثورة...ستة سنين من بعد

صحيح الحلمة إلي حلمناها في 14 جانفي ما صارتش و الكبت متع 23 عام دكتاتورية مافيوزية بحلوها ومرها أفرز ضواهر مجتمعية تعيسة وتشنج في الهوية إلي تنجم تخلي الناس تحن للفترة النوفمبرية وتنسى إلي هي كانت السبب وإلي نعيشو فيه نتيجة...صحيح نعديو في فترة صعيبة وقاسية أما لازم منها بش نفهمو رواحنا على حقيقتنا بش إنجمو انصلحو ونبنيو مستقبلنا ...ما عناش خيار واحد أخر ...هذي بلدنا بحلوها ومرها .. هي تاريخنا..حاضرنا.. ومستقبلنا...ستة سنين عشناهم كاينهم ستين ...ثورةو خوضة وانتخابات ومجلس تاسيسي وإنتقال ديمقراطي وإرهاب و-5 رئساء و-8 حكومات وكل وحدة توصي في أختها ودمار إقتصادي وانفلات أمني و تشنج إجتماعي ولكن شعوبنا التونسية المتعايشة حافظت على السلم الاجتماعي والوحدة الوطنية ...أنا محضوض إلي عشت الفترة التاريخية هذي وعلى عكس ياسر عباد انشوف إلي المسار الثوري مازال موجود وإلي قاعد يجرى حاجة طبيعية رغم قساوتو وكلي #أمل في المستقبل !
تحيا تونس

أديب صمود 

Écrire un commentaire

Optionnel